shumar-e-subha marghub-e-but-e-mushkil-pasand aaya

shumār-e-sub.ha marġhūb-e-but-e-mushkil-pasand aayā

tamāshā-e-ba-yak-kaf burdan-e-sad-dil-pasand aayā

ba-faiz-e-be-dilī naumīdī-e-jāved āsāñ hai

kushāyish ko hamārā uqda-e-mushkil-pasand aayā

havā-e-sair-e-gul ā.īna-e-be-mehrī-e-qātil

ki andāz-e-ba-ḳhūñ-ġhaltīdan-e-bismil-pasand aayā

ravānī-hā-e-mauj-e-ḳhūn-e-bismil se Tapaktā hai

ki lutf-e-be-tahāshā-raftan-e-qātil-pasand aayā

'asad' har jā suḳhan ne tarh-e-bāġh-e-tāza Daalī hai

mujhe rañg-e-bahār-ījādi-e-be-dil-pasand aayā

savād chashm-e-bismil intiḳhāb-e-nuqta ārā.ī

ḳhirām-e-nāz be-parvā.ī-e-qātil pasand aayā

huī jis ko bahār-e-fursat-e-hastī se āgāhī

ba-rañg-e-lāla jām-e-bāda bar-mahal pasand aayā

shumar-e-subha marghub-e-but-e-mushkil-pasand aaya

tamasha-e-ba-yak-kaf burdan-e-sad-dil-pasand aaya

ba-faiz-e-be-dili naumidi-e-jawed aasan hai

kushayish ko hamara uqda-e-mushkil-pasand aaya

hawa-e-sair-e-gul aaina-e-be-mehri-e-qatil

ki andaz-e-ba-KHun-ghaltidan-e-bismil-pasand aaya

rawani-ha-e-mauj-e-KHun-e-bismil se Tapakta hai

ki lutf-e-be-tahasha-raftan-e-qatil-pasand aaya

'asad' har ja suKHan ne tarh-e-bagh-e-taza Dali hai

mujhe rang-e-bahaar-ijadi-e-be-dil-pasand aaya

sawad chashm-e-bismil intiKHab-e-nuqta aarai

KHiram-e-naz be-parwai-e-qatil pasand aaya

hui jis ko bahaar-e-fursat-e-hasti se aagahi

ba-rang-e-lala jam-e-baada bar-mahal pasand aaya