shuur de ke mujhe baal-o-par nahin deta

shu.ūr de ke mujhe bāl-o-par nahīñ detā

safar kā kahtā hai zād-e-safar nahīñ detā

ye kaun mujh ko mirī zaat se chhupātā hai

ye kaun mujh ko hī merī ḳhabar nahīñ detā

nishān-e-manzil-e-maqsūd to batātā hai

kisī bhī taur vo izn-e-safar nahīñ detā

zamāna go mujhe mā.il-ba-jañg kartā hai

magar ye teġh-o-sinān-o-sipar nahīñ detā

sitam to jo bhī kare tujh ko hai ravā lekin

mirā zamīr mujhe ye hunar nahīñ detā

mabādā lauT ke aa.uuñ koī na pahchāne

nikalne ghar se ye 'sajjād' Dar nahīñ detā

shuur de ke mujhe baal-o-par nahin deta

safar ka kahta hai zad-e-safar nahin deta

ye kaun mujh ko meri zat se chhupata hai

ye kaun mujh ko hi meri KHabar nahin deta

nishan-e-manzil-e-maqsud to batata hai

kisi bhi taur wo izn-e-safar nahin deta

zamana go mujhe mail-ba-jang karta hai

magar ye tegh-o-sinan-o-sipar nahin deta

sitam to jo bhi kare tujh ko hai rawa lekin

mera zamir mujhe ye hunar nahin deta

mabaada lauT ke aaun koi na pahchane

nikalne ghar se ye 'sajjad' Dar nahin deta