shu.ūr-e-naġhma ho to ham-navā bhī milte haiñ
kuchh aise giit haiñ jo be-sadā bhī milte haiñ
kuchh aisī suunī nahīñ haiñ hayāt kī rāheñ
kahīñ kahīñ to nishān-e-vafā bhī milte haiñ
safar hai shart ki is ḳhār-zār-e-ālam meñ
guloñ kā rang liye naqsh-e-pā bhī milte haiñ
burā kaho na tum in rah-zanoñ ko ai yaaro
inhīñ meñ apne ka.ī rahnumā bhī milte haiñ
bhaTakne vāloñ ko dekho na tum hiqārat se
inhīñ meñ 'sālik'-e-manzil-numā bhī milte haiñ
shuur-e-naghma ho to ham-nawa bhi milte hain
kuchh aise git hain jo be-sada bhi milte hain
kuchh aisi suni nahin hain hayat ki rahen
kahin kahin to nishan-e-wafa bhi milte hain
safar hai shart ki is KHar-zar-e-alam mein
gulon ka rang liye naqsh-e-pa bhi milte hain
bura kaho na tum in rah-zanon ko ai yaro
inhin mein apne kai rahnuma bhi milte hain
bhaTakne walon ko dekho na tum hiqarat se
inhin mein 'salik'-e-manzil-numa bhi milte hain
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.
