shuur mein kabhi ehsas mein basaun use

shu.ūr meñ kabhī ehsās meñ basā.ūñ use

magar maiñ chaar taraf be-hijāb pā.ūñ use

agarche fart-e-hayā se nazar na aa.uuñ use

vo ruuTh jaa.e to sau tarah se manā.ūñ use

tavīl hijr kā ye jabr hai ki sochtā huuñ

jo dil meñ bastā hai ab haath bhī lagā.ūñ use

use bulā ke milā umr bhar kā sannāTā

magar ye shauq ki ik baar phir bulā.ūñ use

añdherī raat meñ jab rāsta nahīñ miltā

maiñ sochtā huuñ kahāñ jā ke DhūñD lā.ūñ use

abhī tak us kā tasavvur to mere bas meñ hai

vo dost hai to ḳhudā kis liye banā.ūñ use

'nadīm' tark-e-mohabbat ko ek umr huī

maiñ ab bhī soch rahā huuñ ki bhuul jā.ūñ use

shuur mein kabhi ehsas mein basaun use

magar main chaar taraf be-hijab paun use

agarche fart-e-haya se nazar na aaun use

wo ruTh jae to sau tarah se manaun use

tawil hijr ka ye jabr hai ki sochta hun

jo dil mein basta hai ab hath bhi lagaun use

use bula ke mila umr bhar ka sannaTa

magar ye shauq ki ek bar phir bulaun use

andheri raat mein jab rasta nahin milta

main sochta hun kahan ja ke DhunD laun use

abhi tak us ka tasawwur to mere bas mein hai

wo dost hai to KHuda kis liye banaun use

'nadim' tark-e-mohabbat ko ek umr hui

main ab bhi soch raha hun ki bhul jaun use