sim-tan gul-ruKHon ki basti hai
sīm-tan gul-ruḳhoñ kī bastī hai
ye badaltī rutoñ kī bastī hai
kaun samjhe sukūt kī bāteñ
shahr ḳhāmoshiyoñ kī bastī hai
ye lakīreñ ġhamoñ ke raste haiñ
ye hathelī dukhoñ kī bastī hai
zindagī tak zakāt Thahrā dī
ye mire rāziqoñ kī bastī hai
āsmāñ kī tarah hai saath koī
hijr bhī qurbatoñ kī bastī hai
vo talātum-shi'ār kyā jaane
jhiil bhī pāniyoñ kī bastī hai
aql tafrīq kā tamāshā hai
āgahī fāsloñ kī bastī hai
jism pāband-e-gul sahī 'ābid'
dil magar vahshatoñ kī bastī hai
sim-tan gul-ruKHon ki basti hai
ye badalti ruton ki basti hai
kaun samjhe sukut ki baaten
shahr KHamoshiyon ki basti hai
ye lakiren ghamon ke raste hain
ye hatheli dukhon ki basti hai
zindagi tak zakat Thahra di
ye mere raaziqon ki basti hai
aasman ki tarah hai sath koi
hijr bhi qurbaton ki basti hai
wo talatum-shi'ar kya jaane
jhil bhi paniyon ki basti hai
aql tafriq ka tamasha hai
aagahi faslon ki basti hai
jism paband-e-gul sahi 'abid'
dil magar wahshaton ki basti hai
Source:
Funoon (Monthly) (Pg. 400)
- Author: Ahmad Nadeem Qasmi
-
- Edition: Edition Nov. Dec. 1985,Issue No. 23
- Publisher: 4 Maklood Road, Lahore
- Year of Publication: Edition Nov. Dec. 1985,Issue No. 23
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
