sine ki KHanqah mein aane nahin diya

Hasan Abbas Raza

sine ki KHanqah mein aane nahin diya

Hasan Abbas Raza

MORE BYHasan Abbas Raza

    siine ḳhānqāh meñ aane nahīñ diyā

    ham ne use charāg jalāne nahīñ diyā

    duzdān-e-nīm-shab ne bhī hiile bahut kiye

    lekin kisī ko ḳhvāb churāne nahīñ diyā

    ab ke shikast-o-reḳht kuchh aur hai sabab

    ab ke ye zaḳhm terī jafā ne nahīñ diyā

    is baar to savāl bhī mushkil na thā magar

    is baar bhī javāb qazā ne nahīñ diyā

    kyā shaḳhs thā uḌātā rahā umr bhar mujhe

    lekin havā se haath milāne nahīñ diyā

    mumkin hai vaj.h-e-tark-e-ta.alluq usī meñ ho

    vo ḳhat jo mujh ko bād-e-sabā ne nahīñ diyā

    is hairatī nazar simaTtī giraft ne

    uThtā huā qadam bhī uThāne nahīñ diyā

    shām-e-vidā.a thī magar us rañg-bāz ne

    paañv pe hoñT rakh diye jaane nahīñ diyā

    kuchh to 'hasan' vo dād-o-sitad ke khare na the

    kuchh ham ne bhī ye qarz chukāne nahīñ diyā

    sine ki KHanqah mein aane nahin diya

    hum ne use charag jalane nahin diya

    duzdan-e-nim-shab ne bhi hile bahut kiye

    lekin kisi ko KHwab churane nahin diya

    ab ke shikast-o-reKHt ka kuchh aur hai sabab

    ab ke ye zaKHm teri jafa ne nahin diya

    is bar to sawal bhi mushkil na tha magar

    is bar bhi jawab qaza ne nahin diya

    kya shaKHs tha uData raha umr bhar mujhe

    lekin hawa se hath milane nahin diya

    mumkin hai wajh-e-tark-e-talluq usi mein ho

    wo KHat jo mujh ko baad-e-saba ne nahin diya

    is hairati nazar ki simaTti giraft ne

    uThta hua qadam bhi uThane nahin diya

    sham-e-widaa thi magar us rang-baz ne

    panw pe honT rakh diye jaane nahin diya

    kuchh to 'hasan' wo dad-o-sitad ke khare na the

    kuchh hum ne bhi ye qarz chukane nahin diya

    Source :
    • Book : Taawaan (Pg. 94)
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY