sine pe kitne dagh liye phir raha hun main
siine pe kitne daaġh liye phir rahā huuñ maiñ
zaḳhmoñ kā ek baaġh liye phir rahā huuñ maiñ
Dar hai ki tīrgī meñ qadam Dagmagā na jaa.e
ik shahr-e-be-charāġh liye phir rahā huuñ maiñ
saaqī na pūchh aaj ke shīsha-garoñ kā haal
TuuTā huā ayāġh liye phir rahā huuñ maiñ
kyā jaane kis ke naam hai ye nāma-e-karam
miltā nahīñ surāġh liye phir rahā huuñ maiñ
pūchhe na jis ko haal na mustaqbil-e-hasīñ
maazī kā vo dimāġh liye phir rahā huuñ maiñ
'nayyar' ho aaise daur meñ kyā raushnī kī baat
bin tel kā charāġh liye phir rahā huuñ maiñ
sine pe kitne dagh liye phir raha hun main
zaKHmon ka ek bagh liye phir raha hun main
Dar hai ki tirgi mein qadam Dagmaga na jae
ek shahr-e-be-charagh liye phir raha hun main
saqi na puchh aaj ke shisha-garon ka haal
TuTa hua ayagh liye phir raha hun main
kya jaane kis ke nam hai ye nama-e-karam
milta nahin suragh liye phir raha hun main
puchhe na jis ko haal na mustaqbil-e-hasin
mazi ka wo dimagh liye phir raha hun main
'nayyar' ho aaise daur mein kya raushni ki baat
bin tel ka charagh liye phir raha hun main
Source:
reza-e-miinaa (Pg. 75)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
