sikka-e-dagh-e-junun milte jo daulat mangta

Aagha Akbarabadi

sikka-e-dagh-e-junun milte jo daulat mangta

Aagha Akbarabadi

MORE BY Aagha Akbarabadi

    sikka-e-dāġh-e-junūñ milte jo daulat māñgtā

    tañg kartī muflisī gar maiñ farāġhat māñgtā

    rañj se fursat na miltī maiñ jo rāhat māñgtā

    bojh hotā sar pe gar qārūñ daulat māñgtā

    gar mujhe hotī ḳhabar merā masīhā aa.egā

    ai ajal ik dam maiñ bhī tujh se mohlat māñgtā

    ḳhizr zindagī hotī jo mujh nākām

    maiñ duā-e-vasl-e-jānāñ tā-qayāmat māñgtā

    ashk ke dariyā ne rakh aabrū ai chashm-e-tar

    marte dam do gaz zamīn kyā bahr-e-turbat māñgtā

    kis aamad aamad apne kalba-e-ahzāñ meñ hai

    peshvā.ī ko hai dil pahlū se ruḳhsat māñgtā

    dar-guzartā jaan tak kartā zamīñ us se aziiz

    mujh se darbān-e-dar-e-jānāñ jo rishvat māñgtā

    naza.a tak dīdār hasrat rahī mushtāq ko

    ai masīhā mar gayā bīmār sharbat māñgtā

    dar-ba-dar phirne ne merī qadr khoī ai falak

    un ke dil meñ hai jagah miltī jo ḳhalvat māñgtā

    minnateñ kar ke chhuḌātā bulbuloñ ko daam se

    maiñ zar-e-gul detā agar sayyād qīmat māñgtā

    ādamiyyat se haiñ duur in zāhidoñ ke qaul-o-fe.al

    haqq-e-maurūsī thā merā kyuuñ maiñ jannat māñgtā

    jaan nāhaq ko makkāra ke dam meñ aan kar

    kohkan shīrīñ se mehnat jo ujrat māñgtā

    qasd kartā gar bulandī to pastī dekhtā

    kund ho jaatī tabī.at gar maiñ jaudat māñgtā

    zulf ke janjāl meñ phañsne ḳhud kartā duā

    maiñ siḌī thā jo ḳhudā se apnī shāmat māñgtā

    qaa.el apnī guftugū se ḳhaas hotā kalīm

    'sa.adī'-e-shīrāz bhī mujh se fasāhat māñgtā

    yaar hotā baaġh hotā aise gar hote nasīb

    mai-kashī mohtasib se maiñ ijāzat māñgtā

    dasht-e-vahshat-ḳhez meñ uryāñ hai 'āġhā' aap

    qāsid-e-jānāñ ko kyā detā jo ḳhil.at māñgtā

    sikka-e-dagh-e-junun milte jo daulat mangta

    tang karti muflisi gar main faraghat mangta

    ranj se fursat na milti main jo rahat mangta

    bojh hota sar pe gar qarun ki daulat mangta

    gar mujhe hoti KHabar mera masiha aaega

    ai ajal ek dam ki main bhi tujh se mohlat mangta

    KHizr ki si zindagi hoti jo mujh nakaam ki

    main dua-e-wasl-e-jaanan ta-qayamat mangta

    ashk ke dariya ne rakh li aabru ai chashm-e-tar

    marte dam do gaz zamin kya bahr-e-turbat mangta

    kis ki aamad aamad apne kalba-e-ahzan mein hai

    peshwai ko hai dil pahlu se ruKHsat mangta

    dar-guzarta jaan tak karta zamin us se aziz

    mujh se darban-e-dar-e-jaanan jo rishwat mangta

    naza tak didar ki hasrat rahi mushtaq ko

    ai masiha mar gaya bimar sharbat mangta

    dar-ba-dar phirne ne meri qadr khoi ai falak

    un ke dil mein hai jagah milti jo KHalwat mangta

    minnaten kar ke chhuData bulbulon ko dam se

    main zar-e-gul deta agar sayyaad qimat mangta

    aadamiyyat se hain dur in zahidon ke qaul-o-feal

    haqq-e-maurusi tha mera kyun main jannat mangta

    jaan di nahaq ko makkara ke dam mein aan kar

    kohkan shirin se mehnat ki jo ujrat mangta

    qasd karta gar bulandi ka to pasti dekhta

    kund ho jati tabiat gar main jaudat mangta

    zulf ke janjal mein phansne ki KHud karta dua

    main siDi tha jo KHuda se apni shamat mangta

    qael apni guftugu se KHas ka hota kalim

    'sadi'-e-shiraaz bhi mujh se fasahat mangta

    yar hota bagh hota aise gar hote nasib

    mai-kashi ki mohtasib se main ijazat mangta

    dasht-e-wahshat-KHez mein uryan hai 'agha' aap hi

    qasid-e-jaanan ko kya deta jo KHilat mangta

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Added to your favorites

    Removed from your favorites