silsila-war talluq ko nibhate hue hum

silsila-vār ta'alluq ko nibhāte hue ham

tujh talak aa hī ga.e milte milāte hue ham

apnī āñkhoñ ko tire taaq meñ chhoḌ aa.e haiñ

ai hasīñ shaḳhs tire ḳhvāb se aate hue ham

'ālam-e-'ishq meñ ḳhaak aur ḳhudā ek hue

raat barsāt meñ ik saath nahāte hue ham

āḳhir-e-kār tire dil ke qarīñ aa hī ga.e

surḳh phūloñ kī sī dīvār uThāte hue ham

silsila-war ta'alluq ko nibhate hue hum

tujh talak aa hi gae milte milate hue hum

apni aankhon ko tere taq mein chhoD aae hain

ai hasin shaKHs tere KHwab se aate hue hum

'alam-e-'ishq mein KHak aur KHuda ek hue

raat barsat mein ek sath nahate hue hum

aaKHir-e-kar tere dil ke qarin aa hi gae

surKH phulon ki si diwar uThate hue hum