silsile hadson ke dhyan mein rakh
silsile hādsoñ ke dhyān meñ rakh
umr-bhar ḳhud ko imtihān meñ rakh
maañg bharte haiñ jo salīboñ kī
un farishtoñ ko āsmān meñ rakh
jaane kis moḌ se guzarnā ho
ajnabī rāste gumān meñ rakh
zindagī ke bahut qarīb na jā
fāsla kuchh to apne dhyān meñ rakh
be-hisoñ par bhī jo garāñ guzrīñ
aise jumloñ ko dāstān meñ rakh
āḳhirī tiir kī tarah ḳhud ko
khīñch kar vaqt kī kamān meñ rakh
jism ehsās ke chaTaḳh jaa.eñ
aise but kāñch kī dukān meñ rakh
pī ke kuchh tajraboñ kā zahr 'akmal'
muḳhtalif zā.iqe zabān meñ rakh
silsile hadson ke dhyan mein rakh
umr-bhar KHud ko imtihan mein rakh
mang bharte hain jo salibon ki
un farishton ko aasman mein rakh
jaane kis moD se guzarna ho
ajnabi raste guman mein rakh
zindagi ke bahut qarib na ja
fasla kuchh to apne dhyan mein rakh
be-hison par bhi jo garan guzrin
aise jumlon ko dastan mein rakh
aaKHiri tir ki tarah KHud ko
khinch kar waqt ki kaman mein rakh
jism ehsas ke chaTaKH jaen
aise but kanch ki dukan mein rakh
pi ke kuchh tajrabon ka zahr 'akmal'
muKHtalif zaiqe zaban mein rakh
Source:
Geeli Mitti (Pg. 54)
- Author: Akmal Imaam
-
- Edition: 1991
- Publisher: Akmal Imaam
- Year of Publication: 1991
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
