simaT na pae ki har-su bikhar gae the hum

simaT na paa.e ki har-sū bikhar ga.e the ham

hujūm-e-yās meñ kyā soch kar ga.e the ham

hue the raakh to kuchh rāsta hī aisā thā

dabī thī aag zamīñ meñ jidhar ga.e the ham

ye kyā ki phir se yahāñ hukmarāni-e-shab hai

hisār-e-shab to abhī toḌ kar ga.e the ham

vo kyā ḳhushī thī ki barbād kar ga.ī sab kuchh

vo kaisā ġham thā ki jis se sañvar ga.e the ham

milī thiiñ phir bhī vo dīvāreñ ajnabī ban kar

agarche shaam se pahle hī ghar ga.e the ham

ghire the maslahat-andesiyoñ meñ puurī tarah

jo dil kā saath na dete to mar ga.e the ham

simaT na pae ki har-su bikhar gae the hum

hujum-e-yas mein kya soch kar gae the hum

hue the rakh to kuchh rasta hi aisa tha

dabi thi aag zamin mein jidhar gae the hum

ye kya ki phir se yahan hukmarani-e-shab hai

hisar-e-shab to abhi toD kar gae the hum

wo kya KHushi thi ki barbaad kar gai sab kuchh

wo kaisa gham tha ki jis se sanwar gae the hum

mili thin phir bhi wo diwaren ajnabi ban kar

agarche sham se pahle hi ghar gae the hum

ghire the maslahat-andesiyon mein puri tarah

jo dil ka sath na dete to mar gae the hum