simTe to aise shams-o-qamar mein simaT gae

simTe to aise shams-o-qamar meñ simaT ga.e

bikhre to aise ḳhaak ke zarroñ meñ baT ga.e

manzil kahāñ safar hī safar ho ga.ī hayāt

itnā chale ki paañv se raste lipaT ga.e

ye vaqt kā karam hai ki rukte nahīñ haiñ din

kaTnā na chāhiye thā jinheñ vo bhī kaT ga.e

ab dekhnā hai kaun sañvāregā tere phuul

ik ham hī terī raah kā kāñTā the hiT ga.e

qad-āvarī pe ham ko bahut naaz thā magar

jab zindagī kī aag se guzre to ghaT ga.e

simTe to aise shams-o-qamar mein simaT gae

bikhre to aise KHak ke zarron mein baT gae

manzil kahan safar hi safar ho gai hayat

itna chale ki panw se raste lipaT gae

ye waqt ka karam hai ki rukte nahin hain din

kaTna na chahiye tha jinhen wo bhi kaT gae

ab dekhna hai kaun sanwarega tere phul

ek hum hi teri rah ka kanTa the hiT gae

qad-awari pe hum ko bahut naz tha magar

jab zindagi ki aag se guzre to ghaT gae