sirf karwaT nahin hadon ke beach

sirf karvaT nahīñ hadoñ ke beach

ik zamāna hai karvaToñ ke beach

aañkh palkoñ ke beach aisī hai

jaise dariyā ho sāhiloñ ke beach

zindagī rail sī guzartī hai

saañs kī donoñ pTriyoñ ke beach

ye koī mas.ala na ban jaa.e

ek aañsū hai qahqahoñ ke beach

mas.ala laḌkiyāñ hī hotī haiñ

ādatan saare dostoñ ke beach

muñh banā kar khaḌī rahe nafrat

ishq ho jaa.e sarhadoñ ke beach

sirf karwaT nahin hadon ke beach

ek zamana hai karwaTon ke beach

aankh palkon ke beach aisi hai

jaise dariya ho sahilon ke beach

zindagi rail si guzarti hai

sans ki donon pTriyon ke beach

ye koi masala na ban jae

ek aansu hai qahqahon ke beach

masala laDkiyan hi hoti hain

aadatan sare doston ke beach

munh bana kar khaDi rahe nafrat

ishq ho jae sarhadon ke beach