Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

sitara-bar ban jae nazar aisa nahin hota

Ambareen Haseeb ambar

sitara-bar ban jae nazar aisa nahin hota

Ambareen Haseeb ambar

MORE BYAmbareen Haseeb ambar

    sitāra-bār ban jaa.e nazar aisā nahīñ hotā

    har ik ummīd bar aa.e magar aisā nahīñ hotā

    mohabbat aur qurbānī meñ ta.amīr muzmar hai

    dar-o-dīvār se ban jaa.e ghar aisā nahīñ hotā

    sabhī ke haath meñ misl-e-sifāl-e-nam nahīñ rahnā

    jo mil jaa.e vahī ho kūza-gar aisā nahīñ hotā

    kahā jaltā huā ghar dekh kar ahl-e-tamāshā ne

    dhuāñ aise nahīñ uThtā sharar aisā nahīñ hotā

    kisī mehrbāñ dastak ne zinda kar diyā mujh ko

    maiñ patthar ho ga.ī hotī agar aisā nahīñ hotā

    kisī jazbe shiddat munhasir takmīl par bhī thī

    na paayā ho to khone bhī Dar aisā nahīñ hotā

    sitara-bar ban jae nazar aisa nahin hota

    har ek ummid bar aae magar aisa nahin hota

    mohabbat aur qurbani mein hi tamir muzmar hai

    dar-o-diwar se ban jae ghar aisa nahin hota

    sabhi ke hath mein misl-e-sifal-e-nam nahin rahna

    jo mil jae wahi ho kuza-gar aisa nahin hota

    kaha jalta hua ghar dekh kar ahl-e-tamasha ne

    dhuan aise nahin uThta sharar aisa nahin hota

    kisi ki mehrban dastak ne zinda kar diya mujh ko

    main patthar ho gai hoti agar aisa nahin hota

    kisi jazbe ki shiddat munhasir takmil par bhi thi

    na paya ho to khone ka bhi Dar aisa nahin hota

    Source :
    • Book : Dil Kay Ufuq Par (Pg. 113)
    • Author : Ambareen Haseeb Amber
    • Publication : Kitab Market ,Office 17 Urdu Bazar, Karachi, Pakistan (2012)
    • Edition : 2012
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now