sitaron ke aage jo aabaadiyan hain
sitāroñ ke aage jo ābādiyāñ haiñ
tirī zulf kī gum-shuda vādiyāñ haiñ
zamāna bhī kyā raunaqoñ kī jagah hai
kahīñ ronā-dhonā kahīñ shādiyāñ haiñ
tirī kākuleñ hī nahīñ sabz pariyāñ
mirī ārzūeñ bhī shahzādiyāñ haiñ
baḌī shai hai vābastagī do diloñ kī
ye pābandiyāñ hī to āzādiyāñ haiñ
jahāñ qadr hai kuchh na kuchh aadmī kī
vo kyā qābil-e-qadr ābādiyāñ haiñ
yakāyak na dil pheñknā aañkh vaalo
ye sab aañkh kī fitna-ījādiyāñ haiñ
ġharīboñ se kyā kaam āsā.ishoñ kā
vo ūñche gharānoñ kī shahzādiyāñ haiñ
'adam' sūratoñ kī chamak par na jaanā
ye sab aañkh kī fitna-ījādiyāñ haiñ
jahāñ bhī 'adam' koī dilbar makīñ hai
vahāñ kitnī gunjān ābādiyāñ haiñ
sitaron ke aage jo aabaadiyan hain
teri zulf ki gum-shuda wadiyan hain
zamana bhi kya raunaqon ki jagah hai
kahin rona-dhona kahin shadiyan hain
teri kakulen hi nahin sabz pariyan
meri aarzuen bhi shahzadiyan hain
baDi shai hai wabastagi do dilon ki
ye pabandiyan hi to aazadiyan hain
jahan qadr hai kuchh na kuchh aadmi ki
wo kya qabil-e-qadr aabaadiyan hain
yakayak na dil phenkna aankh walo
ye sab aankh ki fitna-ijadiyan hain
gharibon se kya kaam aasaishon ka
wo unche gharanon ki shahzadiyan hain
'adam' suraton ki chamak par na jaana
ye sab aankh ki fitna-ijadiyan hain
jahan bhi 'adam' koi dilbar makin hai
wahan kitni gunjaan aabaadiyan hain
Source:
Kulliyat-e-Adm (Pg. 588)
- Author: Khwaja Mohammad Zakariya
-
- Edition: 2009
- Publisher: Alhamd Publications, Lahore
- Year of Publication: 2009
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
