sitaron ki duniya se bahar nikal ke

sitāroñ kī duniyā se bāhar nikal ke

zamīñ par qadam-do-qadam dekh chal ke

badal jā.egā zindagī kā nazariya

kabhī peT kī aag meñ dekh jal ke

duhā.ī usūloñ kī ai dene vaale

dikhā in usūloñ pe ḳhud bhī to chal ke

ġharīboñ kī duniyā bhī dekh ik nazar tū

adīboñ kī mahfil se bāhar nikal ke

kabhī jhoñpḌī dekh us kī bhī jā kar

kiye jis ne ta.amīr gumbad mahal ke

muravvat kā un se taqāzā hai kaisā

hue haiñ javāñ jo añdheroñ meñ pal ke

zamāna badalne kī phir baat karnā

dikhā ird-gird apnā pahle badal ke

isī ḳhaak meñ tujh ko milnā hai āḳhir

'sadā' paañv rakhnā tū is par sañbhal ke

sitaron ki duniya se bahar nikal ke

zamin par qadam-do-qadam dekh chal ke

badal jaega zindagi ka nazariya

kabhi peT ki aag mein dekh jal ke

duhai usulon ki ai dene wale

dikha in usulon pe KHud bhi to chal ke

gharibon ki duniya bhi dekh ek nazar tu

adibon ki mahfil se bahar nikal ke

kabhi jhonpDi dekh us ki bhi ja kar

kiye jis ne tamir gumbad mahal ke

murawwat ka un se taqaza hai kaisa

hue hain jawan jo andheron mein pal ke

zamana badalne ki phir baat karna

dikha ird-gird apna pahle badal ke

isi KHak mein tujh ko milna hai aaKHir

'sada' panw rakhna tu is par sanbhal ke