sitam ka tir jo hai wo teri kaman mein hai

sitam kā tiir jo hai vo tirī kamān meñ hai

jo kah chukā huuñ maiñ vo hī mire bayān meñ hai

maiñ ḳhālī jism hī ghar se nikal ke aayā huuñ

mirī jo jaan hai ab bhī usī makān meñ hai

isī liye to sabhī ham pe ho ga.e haavī

ye phuuT aapsī jo apne ḳhāndān meñ hai

mirī taraf jo ye dekhe to is se baat karūñ

ye merā dost magar jaane kis ke dhyān meñ hai

agar maiñ chāhūñ harīfoñ pe choT bhī kar duuñ

suḳhan kā tiir ik aisā mirī kamān meñ hai

ġhurūr-e-jism pe aur jaan pe are tauba

na jaane miTTī kā putlā ye kis gumān meñ hai

makāñ pe jā ke zarā is ke ThaaT dekh 'nazīr'

gadā bhī aaj kā ye kitnī ān-bān meñ hai

sitam ka tir jo hai wo teri kaman mein hai

jo kah chuka hun main wo hi mere bayan mein hai

main KHali jism hi ghar se nikal ke aaya hun

meri jo jaan hai ab bhi usi makan mein hai

isi liye to sabhi hum pe ho gae hawi

ye phuT aapsi jo apne KHandan mein hai

meri taraf jo ye dekhe to is se baat karun

ye mera dost magar jaane kis ke dhyan mein hai

agar main chahun harifon pe choT bhi kar dun

suKHan ka tir ek aisa meri kaman mein hai

ghurur-e-jism pe aur jaan pe are tauba

na jaane miTTi ka putla ye kis guman mein hai

makan pe ja ke zara is ke ThaT dekh 'nazir'

gada bhi aaj ka ye kitni aan-ban mein hai