sitam-zada kai bashar qadam qadam pe the

sitam-zada ka.ī bashar qadam qadam pe the

shikasta dil shikasta ghar qadam qadam pe the

mile haiñ rahzanoñ kī saf meñ vo bhī āḳhirash

sharīk-e-rah jo rāhbar qadam qadam pe the

huā guzar hamārā kaise shahr-e-ilm meñ

ki nukta-dāñ o dīda-var qadam qadam pe the

hai kyā ajab ki ḳhvāb thā vo manzar-e-hasīñ

hazāroñ log ḳhush-nazar qadam qadam pe the

the jauq jauq ās-pās kargas o uqaab

parind kuchh shikasta-par qadam qadam pe the

hamārā 'akbar' ek hī ḳhudā thā aur bas!

nisār but-parast go sanam sanam pe the

sitam-zada kai bashar qadam qadam pe the

shikasta dil shikasta ghar qadam qadam pe the

mile hain rahzanon ki saf mein wo bhi aaKHirash

sharik-e-rah jo rahbar qadam qadam pe the

hua guzar hamara kaise shahr-e-ilm mein

ki nukta-dan o dida-war qadam qadam pe the

hai kya ajab ki KHwab tha wo manzar-e-hasin

hazaron log KHush-nazar qadam qadam pe the

the jauq jauq aas-pas kargas o uqab

parind kuchh shikasta-par qadam qadam pe the

hamara 'akbar' ek hi KHuda tha aur bas!

nisar but-parast go sanam sanam pe the