sitamgar ko bhi ahl-e-dard ka ham-majra kar de

sitamgar ko bhī ahl-e-dard kā ham-mājrā kar de

ḳhudāyā dard-mandoñ kā use dard-āshnā kar de

tahī-dāman vo kyoñ jis par tirī chashm-e-karam maulā

dar-e-altāf vā kar de murād-e-dil atā kar de

vo dīvāna giraftār-e-ġham-e-duniyā nahīñ hotā

jise terā junūñ āzād-e-fikr-e-mā-sivā kar de

bahut hī qīmtī tohfe ye hoñge ai mirī qismat

mire ahbāb ke ranj-o-alam mujh ko atā kar de

mohabbat hai use terī adā se bahr-e-tūfānī

to ab tūfān ko kashtī mirī kā ham-navā kar de

kahīñ mahrūm rah jaa.e na 'panchhī' terī baḳhshish se

idhar bhī ehtimām-e-bāda-noshī sāqiyā kar de

sitamgar ko bhi ahl-e-dard ka ham-majra kar de

KHudaya dard-mandon ka use dard-ashna kar de

tahi-daman wo kyon jis par teri chashm-e-karam maula

dar-e-altaf wa kar de murad-e-dil ata kar de

wo diwana giraftar-e-gham-e-duniya nahin hota

jise tera junun aazad-e-fikr-e-ma-siwa kar de

bahut hi qimti tohfe ye honge ai meri qismat

mere ahbab ke ranj-o-alam mujh ko ata kar de

mohabbat hai use teri ada se bahr-e-tufani

to ab tufan ko kashti meri ka ham-nawa kar de

kahin mahrum rah jae na 'panchhi' teri baKHshish se

idhar bhi ehtimam-e-baada-noshi saqiya kar de