siwa hai had se ab ehsas ki girani bhi

sivā hai had se ab ehsās kī girānī bhī

girāñ guzarne lagī un kī mehrbānī bhī

kis ehtimām se paḌhte rahe sahīfa-e-zīst

chaleñ ki ḳhatm huī ab to vo kahānī bhī

likho to ḳhūn-e-jigar se havā kī lahroñ par

ye dāstāñ anokhī bhī hai purānī bhī

kisī tarah se bhī vo gauhar-e-talab na milā

hazār baar luTā.ī hai zindagānī bhī

hamīñ se anjuman-e-ishq mo'tabar Thahrī

hamīñ ko sauñpī ga.ī ġham kī pāsbānī bhī

ye kyā ajab ki vahī bahr-e-nīstī meñ girī

nafs kī mauj meñ mastī bhī thī ravānī bhī

shu.ūr o fikr se aage hai chashma-e-taḳhlīq

haTegā sañg to bahne lagegā paanī bhī

siwa hai had se ab ehsas ki girani bhi

giran guzarne lagi un ki mehrbani bhi

kis ehtimam se paDhte rahe sahifa-e-zist

chalen ki KHatm hui ab to wo kahani bhi

likho to KHun-e-jigar se hawa ki lahron par

ye dastan anokhi bhi hai purani bhi

kisi tarah se bhi wo gauhar-e-talab na mila

hazar bar luTai hai zindagani bhi

hamin se anjuman-e-ishq mo'tabar Thahri

hamin ko saunpi gai gham ki pasbani bhi

ye kya ajab ki wahi bahr-e-nisti mein giri

nafs ki mauj mein masti bhi thi rawani bhi

shuur o fikr se aage hai chashma-e-taKHliq

haTega sang to bahne lagega pani bhi