siyasi peD hain barson se phal nahin aae

siyāsī peḌ haiñ barsoñ se phal nahīñ aa.e

idhar to mas.ale aa.e haiñ hal nahīñ aa.e

use bhī shauq musalsal fareb dene kā

kabhī jabīn pe apnī bhī shal nahīñ aa.e

use ye Dar ki jise inqalāb kahte haiñ

vo rāsta mire ghar se nikal nahīñ aa.e

yahāñ to tark-e-vafā kā rivāj aam huā

hamīñ ko faisle karnā aTal nahīñ aa.e

khule hue haiñ yahāñ mujrimoñ ke chehre kyoñ

bayān log to apne badal nahīñ aa.e

koī bhī kholne vaalā nahīñ hai darvāza

ki jab talak yahāñ sūraj nikal nahīñ aa.e

sahal nahīñ hai 'asar' ghar talak pahuñchnā bhī

agar shumār meñ rastoñ ke bal nahīñ aa.e

siyasi peD hain barson se phal nahin aae

idhar to masale aae hain hal nahin aae

use bhi shauq musalsal fareb dene ka

kabhi jabin pe apni bhi shal nahin aae

use ye Dar ki jise inqalab kahte hain

wo rasta mere ghar se nikal nahin aae

yahan to tark-e-wafa ka riwaj aam hua

hamin ko faisle karna aTal nahin aae

khule hue hain yahan mujrimon ke chehre kyon

bayan log to apne badal nahin aae

koi bhi kholne wala nahin hai darwaza

ki jab talak yahan suraj nikal nahin aae

sahal nahin hai 'asar' ghar talak pahunchna bhi

agar shumar mein raston ke bal nahin aae