siyah bistar paDe hain subh-e-nazzara utar aae

siyah bistar paḌe haiñ sub.h-e-nazzāra utar aa.e

ki shab ko ziina ziina koī mah-pāra utar aa.e

savār-e-ġham ravāñ haiñ khol do ishrat-kadoñ ke dar

ḳhabar kyā kaun añdhere kā thakā-hārā utar aa.e

ajab Dar hai maTīlī vādiyāñ uupar ko taktī haiñ

kisī tūfān kī sūrat na tayyāra utar aa.e

damak uTThe mirī sub.hoñ meñ vo hañstā huā chehra

mirī rātoñ meñ un āñkhoñ kā ġham saarā utar aa.e

haqīqat kī sharar-añgeziyoñ meñ guftugū us kī

zabāñ kholūñ to jaise lab pe añgāra utar aa.e

daraḳhshāñ bāzuoñ kī halqa halqa surḳh sī maujeñ

hamāre ḳhuun se sho.aloñ kā favvārā utar aa.e

tamāshe bahr kī sat.hoñ pe maujoñ ke bhī kyā kam haiñ

ki uupar se havāoñ kī adā-kāra utar aa.e

siyah bistar paDe hain subh-e-nazzara utar aae

ki shab ko zina zina koi mah-para utar aae

sawar-e-gham rawan hain khol do ishrat-kadon ke dar

KHabar kya kaun andhere ka thaka-haara utar aae

ajab Dar hai maTili wadiyan upar ko takti hain

kisi tufan ki surat na tayyara utar aae

damak uTThe meri subhon mein wo hansta hua chehra

meri raaton mein un aankhon ka gham sara utar aae

haqiqat ki sharar-angeziyon mein guftugu us ki

zaban kholun to jaise lab pe angara utar aae

daraKHshan bazuon ki halqa halqa surKH si maujen

hamare KHun se shoalon ka fawwara utar aae

tamashe bahr ki sathon pe maujon ke bhi kya kam hain

ki upar se hawaon ki ada-kara utar aae