socha tha tere gham ko nibhaenge kahan tak

sochā thā tire ġham ko nibhā.eñge kahāñ tak

lekin ye ta'alluq to chalā aaya hai jaañ tak

lab ḳhushk the ehsān na dariyā kā uThāyā

jaane ko ka.ī baar ga.e āb-e-ravāñ tak

yaad aatī nahīñ Thiik se sūrat bhī tumhārī

afsos badal jaate haiñ hālāt yahāñ tak

chehre kī bashāshat ne sabhī dard chhupā.e

is aag se uThtā bhī nahīñ koī dhuāñ tak

ab ghar meñ hī rahte haiñ mirī jaan ke dushman

is daur meñ mahfūz nahīñ jā-e-amāñ tak

socha tha tere gham ko nibhaenge kahan tak

lekin ye ta'alluq to chala aaya hai jaan tak

lab KHushk the ehsan na dariya ka uThaya

jaane ko kai bar gae aab-e-rawan tak

yaad aati nahin Thik se surat bhi tumhaari

afsos badal jate hain haalat yahan tak

chehre ki bashashat ne sabhi dard chhupae

is aag se uThta bhi nahin koi dhuan tak

ab ghar mein hi rahte hain meri jaan ke dushman

is daur mein mahfuz nahin ja-e-aman tak