sochi thi jo wo jurm-o-saza tak pahunch gai

sochī thī jo vo jurm-o-sazā tak pahuñch ga.ī

jo baat dil meñ thī vo ḳhudā tak pahuñch ga.ī

patta girā ki sar pe koī sañg aa lagā

chup-chāp us kī yaad sadā tak pahuñch ga.ī

us gul pe phuul phuul ne dil meñ kiyā hai rashk

jab shab kī baat bād-e-sabā tak pahuñch ga.ī

maiñ mahv-e-ḳhvāb thā ki mire man kī ek mauj

uTThī to us ke band-e-qabā tak pahuñch ga.ī

maiñ baat kar rahā thā zamāne ke jaur kī

aage baḌhī to us kī adā tak pahuñch ga.ī

ik aarzū ki dil meñ rahī hai tamām-umr

tañg aa ke aaj dast-e-duā tak pahuñch ga.ī

sochi thi jo wo jurm-o-saza tak pahunch gai

jo baat dil mein thi wo KHuda tak pahunch gai

patta gira ki sar pe koi sang aa laga

chup-chap us ki yaad sada tak pahunch gai

us gul pe phul phul ne dil mein kiya hai rashk

jab shab ki baat baad-e-saba tak pahunch gai

main mahw-e-KHwab tha ki mere man ki ek mauj

uTThi to us ke band-e-qaba tak pahunch gai

main baat kar raha tha zamane ke jaur ki

aage baDhi to us ki ada tak pahunch gai

ek aarzu ki dil mein rahi hai tamam-umr

tang aa ke aaj dast-e-dua tak pahunch gai