sochta hun koi kitab likhun

sochtā huuñ koī kitāb likhūñ

jis meñ saare adhūre ḳhvāb likhūñ

kaise TeḌhe savāl pūchhe haiñ

koī batlā.e kyā javāb likhūñ

ye jo kāñTe haiñ merī rāhoñ meñ

tum kaho to inheñ gulāb likhūñ

itnā tujh ko to paḌh liyā maiñ ne

tai kiyā maiñ ne is pe baab likhūñ

kis qadar intishār hai tujh meñ

kyoñ na ab tujh ko iztirāb likhūñ

kis ko kis ko kiyā nahīñ hai yaad

kis kā kis kā bhalā hisāb likhūñ

'ilm se jis kā vāsta hī nahīñ

kaise us ko bhalā janāb likhūñ

itnā nādān maiñ nahīñ 'ahmad'

jo ḳhatāoñ ko bhī savāb likhūñ

sochta hun koi kitab likhun

jis mein sare adhure KHwab likhun

kaise TeDhe sawal puchhe hain

koi batlae kya jawab likhun

ye jo kanTe hain meri rahon mein

tum kaho to inhen gulab likhun

itna tujh ko to paDh liya main ne

tai kiya main ne is pe bab likhun

kis qadar intishaar hai tujh mein

kyon na ab tujh ko iztirab likhun

kis ko kis ko kiya nahin hai yaad

kis ka kis ka bhala hisab likhun

'ilm se jis ka wasta hi nahin

kaise us ko bhala janab likhun

itna nadan main nahin 'ahmad'

jo KHataon ko bhi sawab likhun