dil ko darun-e-KHana hi bahlao ghar raho

Rehman Faris

dil ko darun-e-KHana hi bahlao ghar raho

Rehman Faris

MORE BYRehman Faris

    dil ko darūn-e-ḳhāna bahlāo ghar raho

    tum ko qasam hai bhiiḌ meñ mat jaao ghar raho

    zinda rahe to yaar bahut mahfileñ bahut

    filhāl mere anjuman-ārāo! ghar raho

    maanā ki iid milnā bhī dastūr hai magar

    sīnoñ se lag ke maut na phailāo ghar raho

    chaukhaT na paar karnā ki bāhar hai qatl-e-ām

    galiyoñ meñ chal rahī hai ajal daav ghar raho

    mahbūb ko bhī le ke maroge tum apne saath

    gar ishq hai to ishq na jatlāo ghar raho

    dariyā-e-ḳhūñ hai qariya-o-bāzār meñ ravāñ

    tah kar ke rakh do yaaro abhī naav ghar raho

    ik muftī-e-saḳhī hai fatvā ki Thiik hai

    ghar rah ke chāhe mai piye jaao ghar raho

    fāris! hameñ bhī shauq-e-mulāqāt hai magar

    puure kareñge ba.ad meñ sab chaav ghar raho

    dil ko darun-e-KHana hi bahlao ghar raho

    tum ko qasam hai bhiD mein mat jao ghar raho

    zinda rahe to yar bahut mahfilen bahut

    filhaal mere anjuman-arao! ghar raho

    mana ki id milna bhi dastur hai magar

    sinon se lag ke maut na phailao ghar raho

    chaukhaT na par karna ki bahar hai qatl-e-am

    galiyon mein chal rahi hai ajal daw ghar raho

    mahbub ko bhi le ke maroge tum apne sath

    gar ishq hai to ishq na jatlao ghar raho

    dariya-e-KHun hai qariya-o-bazar mein rawan

    tah kar ke rakh do yaro abhi naw ghar raho

    ek mufti-e-saKHi ka hai fatwa ki Thik hai

    ghar rah ke chahe mai hi piye jao ghar raho

    faris! hamein bhi shauq-e-mulaqat hai magar

    pure karenge baad mein sab chaw ghar raho

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 2-3-4 December 2022 - Major Dhyan Chand National Stadium, Near India Gate, New Delhi

    GET YOUR FREE PASS
    Speak Now