aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

soz-e-dil aah-e-sharar-bar se pahchante hain

Mansha ur Rahman Khan Mansha

soz-e-dil aah-e-sharar-bar se pahchante hain

Mansha ur Rahman Khan Mansha

MORE BYMansha ur Rahman Khan Mansha

    soz-e-dil āh-e-sharar-bār se pahchānte haiñ

    log tūfān ko āsār se pahchānte haiñ

    hausla kahte haiñ ik rāh-e-amal detā hai

    hashr ko ham tirī raftār se pahchānte haiñ

    rang-e-mai rang-e-shafaq rang-e-guhar rang-e-gulāb

    tere rang-e-lab-o-ruḳhsār se pahchānte haiñ

    apnī qismat ke ḳham-o-pech ko ham dīvāne

    tere gesū-e-ḳhamdār se pahchānte haiñ

    ahl-e-dil ahl-e-jigar ahl-e-nazar ahl-e-vafā

    ham ko shauq-e-rasan-o-dār se pahchānte haiñ

    gardish-e-charḳh ruḳh ho ki zamāne mizāj

    sirf ham dīda-e-bedār se pahchānte haiñ

    aur haiñ vo jo zar-o-sīm pe rakhte haiñ nazar

    ham to insān ko kirdār se pahchānte haiñ

    husn vāloñ ye ḳhūbī hai ki dil vāloñ ko

    ik nazar meñ baḌe pyaar se pahchānte haiñ

    shā.irī ye karam kam to nahīñ hai 'manshā'

    log tujh ko tire ash.ār se pahchānte haiñ

    soz-e-dil aah-e-sharar-bar se pahchante hain

    log tufan ko aasar se pahchante hain

    hausla kahte hain ek rah-e-amal deta hai

    hashr ko hum teri raftar se pahchante hain

    rang-e-mai rang-e-shafaq rang-e-guhar rang-e-gulab

    tere rang-e-lab-o-ruKHsar se pahchante hain

    apni qismat ke KHam-o-pech ko hum diwane

    tere hi gesu-e-KHamdar se pahchante hain

    ahl-e-dil ahl-e-jigar ahl-e-nazar ahl-e-wafa

    hum ko shauq-e-rasan-o-dar se pahchante hain

    gardish-e-charKH ka ruKH ho ki zamane ka mizaj

    sirf hum dida-e-bedar se pahchante hain

    aur hain wo jo zar-o-sim pe rakhte hain nazar

    hum to insan ko kirdar se pahchante hain

    husn walon ki ye KHubi hai ki dil walon ko

    ek nazar hi mein baDe pyar se pahchante hain

    shairi ka ye karam kam to nahin hai 'mansha'

    log tujh ko tere ashaar se pahchante hain

    Source:

    Ghazlistan-e-Barar (Pg. 87)

      • Publisher: Sajid Urdu Press, Akola
      • Year of Publication: 2015
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now