soz-e-gham bhi nahin fughan bhi nahin

soz-e-ġham bhī nahīñ fuġhāñ bhī nahīñ

jal bujhī aag ab dhuāñ bhī nahīñ

tū ba-zāhir vo mehrbāñ bhī nahīñ

mannateñ merī rā.egāñ bhī nahīñ

jaane kyuuñ tum se kuchh nahīñ kahte

varna ham itne be-zabāñ bhī nahīñ

vo nigāheñ ki be-niyāz bhī haiñ

aur un se kahīñ amaañ bhī nahīñ

dīda-o-dil haiñ kab se chashm-ba-rāh

koī uftād-e-nā-gahāñ bhī nahīñ

ai ḳhushā kārobār-e-shauq 'surūr'

naf.a kuchh ho na ho ziyāñ bhī nahīñ

soz-e-gham bhi nahin fughan bhi nahin

jal bujhi aag ab dhuan bhi nahin

tu ba-zahir wo mehrban bhi nahin

mannaten meri raegan bhi nahin

jaane kyun tum se kuchh nahin kahte

warna hum itne be-zaban bhi nahin

wo nigahen ki be-niyaz bhi hain

aur un se kahin aman bhi nahin

dida-o-dil hain kab se chashm-ba-rah

koi uftad-e-na-gahan bhi nahin

ai KHusha karobar-e-shauq 'surur'

nafa kuchh ho na ho ziyan bhi nahin