soz-e-gham chiz hai kya kuchh hamein malum to ho

soz-e-ġham chiiz hai kyā kuchh hameñ ma.alūm to ho

ye maraz hai ki davā kuchh hameñ ma.alūm to ho

roz-o-shab hotī rahe taaza qayāmat barpā

zindagānī kā maza kuchh hameñ ma.alūm to ho

ham bhī parvāna-mizājī kā dikhā.eñ aalam

qīmat-o-qadr-e-vafā kuchh hameñ ma.alūm to ho

phir lagā leñge kabhī chāñd sitāroñ kā surāġh

pahle ḳhud apnā patā kuchh hameñ ma.alūm to ho

aap ke lutf se mahrūm jo ham rahte haiñ

kis ḳhatā kī hai sazā kuchh hameñ ma.alūm to ho

dil kī dhaḌkan na sahī aap kī aahaT hī sahī

sāz-e-hastī kī sadā kuchh hameñ ma.alūm to ho

jān-o-dil ham bhī kareñ nazr-e-mohabbat 'manshā'

itnī mehnat kā silā kuchh hameñ ma.alūm to ho

soz-e-gham chiz hai kya kuchh hamein malum to ho

ye maraz hai ki dawa kuchh hamein malum to ho

roz-o-shab hoti rahe taza qayamat barpa

zindagani ka maza kuchh hamein malum to ho

hum bhi parwana-mizaji ka dikhaen aalam

qimat-o-qadr-e-wafa kuchh hamein malum to ho

phir laga lenge kabhi chand sitaron ka suragh

pahle KHud apna pata kuchh hamein malum to ho

aap ke lutf se mahrum jo hum rahte hain

kis KHata ki hai saza kuchh hamein malum to ho

dil ki dhaDkan na sahi aap ki aahaT hi sahi

saz-e-hasti ki sada kuchh hamein malum to ho

jaan-o-dil hum bhi karen nazr-e-mohabbat 'mansha'

itni mehnat ka sila kuchh hamein malum to ho