soz-o-gudaz-e-ishq ka charcha na kar sake

soz-o-gudāz-e-ishq kā charchā na kar sake

husn-e-sitam-zarīf ko rusvā na kar sake

vo zaḳhm chāhtā huuñ maiñ ai husn-e-dil-fareb

jis ko tirī nigāh bhī achchhā na kar sake

jab yaad aa gayā hameñ afsāna-e-azal

ġham-hā-e-rozgār kā shikvā na kar sake

uTThī nigāh-e-shauq to pathrā ke rah ga.ī

is jalva-e-hasīñ kā nazārā na kar sake

saaqī tirī nigāh kā andāz dekh kar

mai-kash ba-qadr-e-zarf taqāzā na kar sake

ḳhud e'tirāf-e-jurm kiyā ham ne ai 'mushīr'

lekin shikast-e-husn gavārā na kar sake

soz-o-gudaz-e-ishq ka charcha na kar sake

husn-e-sitam-zarif ko ruswa na kar sake

wo zaKHm chahta hun main ai husn-e-dil-fareb

jis ko teri nigah bhi achchha na kar sake

jab yaad aa gaya hamein afsana-e-azal

gham-ha-e-rozgar ka shikwa na kar sake

uTThi nigah-e-shauq to pathra ke rah gai

is jalwa-e-hasin ka nazara na kar sake

saqi teri nigah ka andaz dekh kar

mai-kash ba-qadr-e-zarf taqaza na kar sake

KHud e'tiraf-e-jurm kiya hum ne ai 'mushir'

lekin shikast-e-husn gawara na kar sake