aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

subh aankh khulti hai ek din nikalta hai

Hasan Abidi

subh aankh khulti hai ek din nikalta hai

Hasan Abidi

MORE BYHasan Abidi

    sub.h aañkh khultī hai ek din nikaltā hai

    phir ye ek din barsoñ saath saath chaltā hai

    kuchh na kuchh to hotā hai ik tire na hone se

    varna aisī bātoñ par kaun haath maltā hai

    qāfile to sahrā meñ thak ke so bhī jaate haiñ

    chāñd bādaloñ ke saath saarī raat chaltā hai

    dil charāġh-e-mahfil hai lekin us ke aane tak

    baar baar bujhtā hai baar baar jaltā hai

    kulfateñ judā.ī umr bhar nahīñ jātīñ

    bahal to jaatā hai par kahāñ bahaltā hai

    dil tapāñ nahīñ rahtā maiñ ġhazal nahīñ kahtā

    ye sharār apnī aag se uchhaltā hai

    maiñ bisāt-e-dānish duur se tamāshā.ī

    dekhtā rahā shātir kaise chaal chaltā hai

    subh aankh khulti hai ek din nikalta hai

    phir ye ek din barson sath sath chalta hai

    kuchh na kuchh to hota hai ek tere na hone se

    warna aisi baaton par kaun hath malta hai

    qafile to sahra mein thak ke so bhi jate hain

    chand baadalon ke sath sari raat chalta hai

    dil charagh-e-mahfil hai lekin us ke aane tak

    bar bar bujhta hai bar bar jalta hai

    kulfaten judai ki umr bhar nahin jatin

    ji bahal to jata hai par kahan bahalta hai

    dil tapan nahin rahta main ghazal nahin kahta

    ye sharar apni hi aag se uchhalta hai

    main bisat-e-danish ka dur se tamashai

    dekhta raha shatir kaise chaal chalta hai

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now