subh-dam kaise mile mahfil mein parwane ki KHak

sub.h-dam kaise mile mahfil meñ parvāne kī ḳhaak

surma-e-chashm-e-vafā keshāñ hai dīvāne kī ḳhaak

joshish-e-āvārgī-e-shauq-e-majnūñ munfa.il

shāhid-e-sahrā-navardī merī vīrāne kī ḳhaak

chupke chupke sham.a sozāñ raat bhar rotī rahī

rakh ke apne sāmne mahfil meñ parvāne kī ḳhaak

kyā koī phir qais āshufta chalā hai sū-e-dasht

kis ko uTh kar dekhtī hai roz vīrāne kī ḳhaak

roz laatī thī sabā mahfil meñ bū-e-zulf-e-yār

is dafa aa.ī hai le kar un ke kāshāne kī ḳhaak

dekhnā hī chāhte haiñ nasha zāhid to phir

mai-gusāroñ se kaho mal leñ vo maiḳhāne kī ḳhaak

shaiḳh sāhab kyā hai fatvā aap kā is baab meñ

qābil-e-sajda hai pāshā ko sanam-ḳhāne kī ḳhaak

subh-dam kaise mile mahfil mein parwane ki KHak

surma-e-chashm-e-wafa keshan hai diwane ki KHak

joshish-e-awargi-e-shauq-e-majnun munfail

shahid-e-sahra-nawardi meri virane ki KHak

chupke chupke shama sozan raat bhar roti rahi

rakh ke apne samne mahfil mein parwane ki KHak

kya koi phir qais aashufta chala hai su-e-dasht

kis ko uTh kar dekhti hai roz virane ki KHak

roz lati thi saba mahfil mein bu-e-zulf-e-yar

is dafa aai hai le kar un ke kashane ki KHak

dekhna hi chahte hain nasha zahid to phir

mai-gusaron se kaho mal len wo maiKHane ki KHak

shaiKH sahab kya hai fatwa aap ka is bab mein

qabil-e-sajda hai pasha ko sanam-KHane ki KHak