subh-e-wasl-e-KHwab hai ajmal kisi mahbub chehre ki tarah

sub.h-e-vasl-e-ḳhvāb hai ajmal kisī mahbūb chehre kī tarah

shahr ke saare manāzir haiñ kisī andar ke jazbe kī tarah

tairtī haiñ ḳhuun ke behr-e-qayāmat meñ faqat qurbāniyāñ

ai dil-e-be-tāb zāhir ho kisī raushan jazīre kī tarah

hairat-e-tā۔bīr se bāhar nikal ai sabz ḳhvāboñ kī zamīñ

apnī āñkhoñ meñ bichhā ḳhud ko kisī hamrāz ḳhitte kī tarah

qarya-e-ishq-e-mohammad meñ nigāh-e-ḳhāk se dekhe koī

zarra zarra ho ke bikhrā huuñ kisī ābād raste kī tarah

vaqt us ke naam se mansūb ho kar be-amāñ hai āj-kal

zindagī aks-e-tamanna meñ kisī sachche zamāne kī tarah

subh-e-wasl-e-KHwab hai ajmal kisi mahbub chehre ki tarah

shahr ke sare manazir hain kisi andar ke jazbe ki tarah

tairti hain KHun ke behr-e-qayamat mein faqat qurbaniyan

ai dil-e-be-tab zahir ho kisi raushan jazire ki tarah

hairat-e-ta۔bir se bahar nikal ai sabz KHwabon ki zamin

apni aankhon mein bichha KHud ko kisi hamraaz KHitte ki tarah

qarya-e-ishq-e-mohammad mein nigah-e-KHak se dekhe koi

zarra zarra ho ke bikhra hun kisi aabaad raste ki tarah

waqt us ke nam se mansub ho kar be-aman hai aaj-kal

zindagi aks-e-tamanna mein kisi sachche zamane ki tarah