sub.h-e-visāl-e-zīst kā naqsha badal gayā
murġh-e-sahar ke bolte hī dam nikal gayā
dāman pe loTne lage gir gir ke tifl-e-ashk
ro.e firāq meñ to dil apnā bahal gayā
dushman bhī gar mare to ḳhushī kā nahīñ mahal
koī jahāñ se aaj gayā koī kal gayā
sūrat rahī na shakl na ġhamza na vo adā
kyā dekheñ ab tujhe ki vo naqshā badal gayā
qāsid ko us ne qatl kiyā purze kar ke ḳhat
muñh se jo us ke naam hamārā nikal gayā
mil jaao gar to phir vahī bāham hoñ sohbateñ
kuchh tum badal ga.e ho na kuchh maiñ badal gayā
mujh diljale kī nabz jo dekhī tabīb ne
kahne lagā ki aah mirā haath jal gayā
jiitā rahā uThāne ko sadme firāq ke
dam vasl meñ tirā na 'amānat' nikal gayā
subh-e-visal-e-zist ka naqsha badal gaya
murgh-e-sahar ke bolte hi dam nikal gaya
daman pe loTne lage gir gir ke tifl-e-ashk
roe firaq mein to dil apna bahal gaya
dushman bhi gar mare to KHushi ka nahin mahal
koi jahan se aaj gaya koi kal gaya
surat rahi na shakl na ghamza na wo ada
kya dekhen ab tujhe ki wo naqsha badal gaya
qasid ko us ne qatl kiya purze kar ke KHat
munh se jo us ke nam hamara nikal gaya
mil jao gar to phir wahi baham hon sohbaten
kuchh tum badal gae ho na kuchh main badal gaya
mujh diljale ki nabz jo dekhi tabib ne
kahne laga ki aah mera hath jal gaya
jita raha uThane ko sadme firaq ke
dam wasl mein tera na 'amanat' nikal gaya
subh-e-visal-e-zist ka naqsha badal gaya
Nomaan Shauque
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.