subuk hoti hawa se tez chalna chahti hun

Yasmeen Hameed

subuk hoti hawa se tez chalna chahti hun

Yasmeen Hameed

MORE BYYasmeen Hameed

    subuk hotī havā se tez chalnā chāhtī huuñ

    maiñ ik jalte diye ke saath jalnā chāhtī huuñ

    ġhubār-e-be-yaqīnī ne mujhe rokā huā hai

    zamīñ se phuuT kar bāhar nikalnā chāhtī huuñ

    maiñ ḳhud sahmī huī huuñ aa.ine ke TūTne se

    bahut āhista sat.h-e-dil pe chalnā chāhtī huuñ

    numūd-e-sub.h se pahle lamha dekhne ko

    añdherī raat ke paikar meñ Dhalnā chāhtī huuñ

    maiñ shahr-e-shab ko āñkhoñ duā dene se pahle

    dar-o-dīvār chehra badalnā chāhtī huuñ

    kisī ke ḳhvāb takmīl meñ patthar huī thī

    ab apne ḳhvāb lau se pighalnā chāhtī huuñ

    subuk hoti hawa se tez chalna chahti hun

    main ek jalte diye ke sath jalna chahti hun

    ghubar-e-be-yaqini ne mujhe roka hua hai

    zamin se phuT kar bahar nikalna chahti hun

    main KHud sahmi hui hun aaine ke TuTne se

    bahut aahista sath-e-dil pe chalna chahti hun

    numud-e-subh se pahle ka lamha dekhne ko

    andheri raat ke paikar mein Dhalna chahti hun

    main shahr-e-shab ko aankhon ki dua dene se pahle

    dar-o-diwar ka chehra badalna chahti hun

    kisi ke KHwab ki takmil mein patthar hui thi

    ab apne KHwab ki lau se pighalna chahti hun

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY