subut apni mohabbat ka use dena zaruri tha

subūt apnī mohabbat kā use denā zarūrī thā

uḌānā ḳhaak karnā chaak dāman kā shu.ūrī thā

sharār-e-sañg se hasb-e-zarūrat aag raushan kī

ye ḳhākī apnī fitrat meñ na naarī thāna nuurī thā

kanār-e-rāh jo ashjār the saa.e kī ḳhātir the

batānā kaam sañg-e-mīl kā manzil se duurī thā

sitam Dhānā mukarnā aur mujhe ḳhāmosh kar denā

mohabbat meñ ravayya us kā chorī sīna-zorī thā

ḳhudā-hāfiz ki aane ko hai apnī manzil-e-maqsūd

qayām apnā jahāñ meñ mustaqil kab thā ubūrī thā

subut apni mohabbat ka use dena zaruri tha

uDana KHak karna chaak daman ka shuuri tha

sharar-e-sang se hasb-e-zarurat aag raushan ki

ye KHaki apni fitrat mein na nari thana nuri tha

kanar-e-rah jo ashjar the sae ki KHatir the

batana kaam sang-e-mil ka manzil se duri tha

sitam Dhana mukarna aur mujhe KHamosh kar dena

mohabbat mein rawayya us ka chori sina-zori tha

KHuda-hafiz ki aane ko hai apni manzil-e-maqsud

qayam apna jahan mein mustaqil kab tha uburi tha