suKHan-abaad ki tanhai mein ja rahne ka

suḳhan-ābād kī tanhā.ī meñ jā rahne kā

ham ko Dhab aatā hai pādāsh-e-hunar sahne kā

aap kī chashm meñ koī qamar aa.e to aa.e

rashk-e-ḳhurshīd huuñ so maiñ to nahīñ gahne kā

minnat-e-lafz-o-zabāñ kyūñki uThā.ī jaa.e

chashm-e-ḳhush-kār ko ma.alūm hai Dhab kahne kā

ek jaa.e to chalī aa.e digar mauj-e-kamāl

dīdanī bas-ki hai nazzāra mire bahne kā

bas meñ har nā-kas-o-kas ke nahīñ merī ta.amīr

kuchh ziyāda na ho nuqsān mire Dhahne kā

suKHan-abaad ki tanhai mein ja rahne ka

hum ko Dhab aata hai padash-e-hunar sahne ka

aap ki chashm mein koi qamar aae to aae

rashk-e-KHurshid hun so main to nahin gahne ka

minnat-e-lafz-o-zaban kyunki uThai jae

chashm-e-KHush-kar ko malum hai Dhab kahne ka

ek jae to chali aae digar mauj-e-kamal

didani bas-ki hai nazzara mere bahne ka

bas mein har na-kas-o-kas ke nahin meri tamir

kuchh ziyaada na ho nuqsan mere Dhahne ka