suKHan ka us se yara bhi nahin hai
suḳhan kā us se yaarā bhī nahīñ hai
suḳhan ke bin guzārā bhī nahīñ hai
bayāñ sheroñ meñ ham karte haiñ jitnā
vo is darja to pyārā bhī nahīñ hai
bahut shikve haiñ us ko zindagī se
magar marnā gavārā bhī nahīñ hai
nazar meñ jitnī hairānī hai utnā
anokhā to nazāra bhī nahīñ hai
libās-e-jāñ tujhe vāpas to de duuñ
magar ik qarz utārā bhī nahīñ hai
nikal aa.e dil-e-vīrāñ kī jānib
koī qismat kā maarā bhī nahīñ hai
sahārā us kā lenā paḌ gayā hai
jo ḳhud apnā sahārā bhī nahīñ hai
jise 'zīshān' baḌh kar roknā thā
use maiñ ne pukārā bhī nahīñ hai
suKHan ka us se yara bhi nahin hai
suKHan ke bin guzara bhi nahin hai
bayan sheron mein hum karte hain jitna
wo is darja to pyara bhi nahin hai
bahut shikwe hain us ko zindagi se
magar marna gawara bhi nahin hai
nazar mein jitni hairani hai utna
anokha to nazara bhi nahin hai
libas-e-jaan tujhe wapas to de dun
magar ek qarz utara bhi nahin hai
nikal aae dil-e-viran ki jaanib
koi qismat ka mara bhi nahin hai
sahaara us ka lena paD gaya hai
jo KHud apna sahaara bhi nahin hai
jise 'zishan' baDh kar rokna tha
use main ne pukara bhi nahin hai
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
