suKHan ki shab lahu hoti rahegi

suḳhan kī shab lahū hotī rahegī

kisī se guftugū hotī rahegī

vo sūraj hai to ho nazdīk-e-jāñ bhī

ye tābish chār-sū hotī rahegī

darīda-dāmanī hai be-kalī se

isī se ye rafū hotī rahegī

koī ġhuncha savār-e-kahkashāñ thā

ḳhabar ye kū-ba-kū hotī rahegī

maiñ aksar sochtā rahtā huuñ kab tak

zamīñ be-ābrū hotī rahegī

samundar ke kināre mil rahe haiñ

ye duniyā āb-jū hotī rahegī

ḳhazīne kā.enātī kam na hoñge

namūd-e-justujū hotī rahegī

nihāl-e-ishq afsurda na hogā

tamanna-e-numū hotī rahegī

na vo hogā na ham lekin ye duniyā

harīs-e-rañg-o-bū hotī rahegī

suKHan ki shab lahu hoti rahegi

kisi se guftugu hoti rahegi

wo suraj hai to ho nazdik-e-jaan bhi

ye tabish chaar-su hoti rahegi

darida-damani hai be-kali se

isi se ye rafu hoti rahegi

koi ghuncha sawar-e-kahkashan tha

KHabar ye ku-ba-ku hoti rahegi

main aksar sochta rahta hun kab tak

zamin be-abru hoti rahegi

samundar ke kinare mil rahe hain

ye duniya aab-ju hoti rahegi

KHazine kaenati kam na honge

namud-e-justuju hoti rahegi

nihaal-e-ishq afsurda na hoga

tamanna-e-numu hoti rahegi

na wo hoga na hum lekin ye duniya

haris-e-rang-o-bu hoti rahegi