suKHan ko tul na de apni ehtiyaj bata

suḳhan ko tuul na de apnī ehtiyāj batā

uThā na dil kī koī baat kal pe aaj batā

khaḌā huuñ dar pe sarāsīmgī ke aalam meñ

vo mujh se pūchh rahā hai ki kām-kāj batā

mufāhamat mirī koshish supurdagī tirā kaam

tū apne shahr-e-junūñ kā mujhe rivāj batā

ḳhud apne haath se apnī uḌā chukā huuñ ḳhaak

ab aur kyā ho mukāfāt-e-ehtijāj batā

kitāb-e-dil ko maiñ tartīb de rahā huuñ phir

havā-e-tāza hai kaisā tirā mizāj batā

vo gaah sho.ala hai 'sahbā' to gaah shabnam hai

kahīñ pe dekhā hai aisā bhī imtizāj batā

suKHan ko tul na de apni ehtiyaj bata

uTha na dil ki koi baat kal pe aaj bata

khaDa hun dar pe sarasimgi ke aalam mein

wo mujh se puchh raha hai ki kaam-kaj bata

mufahamat meri koshish supurdagi tera kaam

tu apne shahr-e-junun ka mujhe riwaj bata

KHud apne hath se apni uDa chuka hun KHak

ab aur kya ho mukafat-e-ehtijaj bata

kitab-e-dil ko main tartib de raha hun phir

hawa-e-taza hai kaisa tera mizaj bata

wo gah shoala hai 'sahba' to gah shabnam hai

kahin pe dekha hai aisa bhi imtizaj bata