suKHan mein sahl nahin jaan nikal kar rakhna
suḳhan meñ sahl nahīñ jaañ nikāl kar rakhnā
ye zindagī hai hamārī sambhāl kar rakhnā
khulā ki ishq nahīñ hai kuchh aur is ke sivā
razā-e-yār jo ho apnā haal kar rakhnā
usī kā kaam hai farsh-e-zamīñ bichhā denā
usī kā kaam sitāre uchhāl kar rakhnā
usī kā kaam hai is dukh-bhare zamāne meñ
mohabbatoñ se mujhe mālā-māl kar rakhnā
bas ek kaifiyat-e-dil meñ bolte rahnā
bas ek nashshe meñ ḳhud ko nihāl kar rakhnā
bas ek qāmat-e-zebā ke ḳhvāb meñ rahnā
basā ek shaḳhs ko hadd-e-misāl kar rakhnā
guzarnā husn kī nazzārgī se pal-bhar ko
phir us ko zā.iqa-e-lā-zavāl kar rakhnā
kisī ke bas meñ nahīñ thā kisī ke bas meñ nahīñ
bulandiyoñ ko sadā pā.emāl kar rakhnā
suKHan mein sahl nahin jaan nikal kar rakhna
ye zindagi hai hamari sambhaal kar rakhna
khula ki ishq nahin hai kuchh aur is ke siwa
raza-e-yar jo ho apna haal kar rakhna
usi ka kaam hai farsh-e-zamin bichha dena
usi ka kaam sitare uchhaal kar rakhna
usi ka kaam hai is dukh-bhare zamane mein
mohabbaton se mujhe mala-mal kar rakhna
bas ek kaifiyat-e-dil mein bolte rahna
bas ek nashshe mein KHud ko nihaal kar rakhna
bas ek qamat-e-zeba ke KHwab mein rahna
basa ek shaKHs ko hadd-e-misal kar rakhna
guzarna husn ki nazzargi se pal-bhar ko
phir us ko zaiqa-e-la-zawal kar rakhna
kisi ke bas mein nahin tha kisi ke bas mein nahin
bulandiyon ko sada paemal kar rakhna
Source:
Veeran sarai ka diya (Pg. 83)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
