suKHan-war hun suKHan-fahmi ki lazzat banT deta hun
suKHan-war hun suKHan-fahmi ki lazzat banT deta hun
Said Iqbal Saadi
MORE BYSaid Iqbal Saadi
suḳhan-var huuñ suḳhan-fahmī kī lazzat baañT detā huuñ
maiñ apne sher ko ḳhushbū kī sūrat baañT detā huuñ
faqat apne liye kuchh bhī kabhī rakkhā nahīñ maiñ ne
maiñ auroñ ke liye apnī zarūrat baañT detā huuñ
unheñ majbūr kar detī hai ḳhud se pyaar karne meñ
maiñ logoñ ke diloñ meñ mohabbat baañT detā huuñ
faqat do-bol hī chāhat ke duniyā kī zarūrat haiñ
maiñ logoñ ke diloñ meñ ye masarrat baañT detā huuñ
bahut mumkin hai ye bhī ek din nāzuk-badan nikle
maiñ patthar ko bhī shīshe kī nazākat baañT detā huuñ
mohabbat naam hai dushman ko bhī dil se lagāne kā
maiñ apne pyaar se duniyā meñ hairat baañT detā huuñ
yahī aadat to hai 'sādī' sukūn-e-qalb kā baa.is
maiñ nafrat bhuul jaatā huuñ mohabbat baañT detā huuñ
suKHan-war hun suKHan-fahmi ki lazzat banT deta hun
main apne sher ko KHushbu ki surat banT deta hun
faqat apne liye kuchh bhi kabhi rakkha nahin main ne
main auron ke liye apni zarurat banT deta hun
unhen majbur kar deti hai KHud se pyar karne mein
main logon ke dilon mein mohabbat banT deta hun
faqat do-bol hi chahat ke duniya ki zarurat hain
main logon ke dilon mein ye masarrat banT deta hun
bahut mumkin hai ye bhi ek din nazuk-badan nikle
main patthar ko bhi shishe ki nazakat banT deta hun
mohabbat nam hai dushman ko bhi dil se lagane ka
main apne pyar se duniya mein hairat banT deta hun
yahi aadat to hai 'sadi' sukun-e-qalb ka bais
main nafrat bhul jata hun mohabbat banT deta hun
Source:
Beesveen Sadi Ki Behtareen Ishqiya Ghazlen (Pg. 115)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
