sukun-e-dil fana hai aur main hun

Adil Hayat

sukun-e-dil fana hai aur main hun

Adil Hayat

MORE BYAdil Hayat

    sukūn-e-dil fanā hai aur maiñ huuñ

    ġhamoñ qāfila hai aur maiñ huuñ

    kahānī kah rahī hai raat apnī

    muqābil aa.ina hai aur maiñ huuñ

    nisāb-e-gardish-e-shām-o-sahar hai

    sar-e-rah hādisa hai aur maiñ huuñ

    kahūñ kyā hastī-e-nā-mo.atabar huuñ

    tirā aasrā hai aur maiñ huuñ

    vahī nairañgī-e-rañg-e-zamāna

    vahī dil sadā hai aur maiñ huuñ

    agarche jism rakhtā huuñ maiñ 'ādil'

    badan sar se judā hai aur maiñ huuñ

    sukun-e-dil fana hai aur main hun

    ghamon ka qafila hai aur main hun

    kahani kah rahi hai raat apni

    muqabil aaina hai aur main hun

    nisab-e-gardish-e-sham-o-sahar hai

    sar-e-rah hadisa hai aur main hun

    kahun kya hasti-e-na-moatabar hun

    tera hi aasra hai aur main hun

    wahi nairangi-e-rang-e-zamana

    wahi dil ki sada hai aur main hun

    agarche jism rakhta hun main 'adil'

    badan sar se juda hai aur main hun

    Source :
    • Book : Sitara Sang (Gazals) (Pg. 60)
    • Author : Adil Hayat
    • Publication : Nirali Duniya Publications,Darya Ganj, Delhi (2004)
    • Edition : 2004
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY