sukun-e-qalb ke asbab hum pe band rahe

sukūn-e-qalb ke asbāb ham pe band rahe

magar ham ahl-e-mohabbat vafā-pasand rahe

qadam qadam pe sajā.e ga.e the dār-o-rasan

ḳhudā kā shukr ki ham phir bhī sar-buland rahe

vo ik hameñ the jo sharminda-e-karam na hue

vo nañg-e-ishq the jo iltijā-pasand rahe

tire sitam ne mire dil ko hausla baḳhshā

ḳhudā kare ki tirā hausla buland rahe

zabāñ se tāqat-e-guftār chhīnñe vaalo

tumhīñ batāo ki kab tak zabān band rahe

jo āshnā-e-fazā-e-falak the ai 'māhir'

vo ḳhizr bhī to mirī gard-e-pā meñ band rahe

sukun-e-qalb ke asbab hum pe band rahe

magar hum ahl-e-mohabbat wafa-pasand rahe

qadam qadam pe sajae gae the dar-o-rasan

KHuda ka shukr ki hum phir bhi sar-buland rahe

wo ek hamein the jo sharminda-e-karam na hue

wo nang-e-ishq the jo iltija-pasand rahe

tere sitam ne mere dil ko hausla baKHsha

KHuda kare ki tera hausla buland rahe

zaban se taqat-e-guftar chhinne walo

tumhin batao ki kab tak zaban band rahe

jo aashna-e-faza-e-falak the ai 'mahir'

wo KHizr bhi to meri gard-e-pa mein band rahe