sukun-pazir mera iztirab ho na saka

sukūñ-pazīr mirā iztirāb ho na sakā

ye dahr vo hai jahāñ inqalāb ho na sakā

harīm-e-nāz meñ dil bāryāb ho na sakā

ye zarra ham-sharaf-e-āftāb ho na sakā

mirī nazar meñ koī intiḳhāb ho na sakā

tire sivā koī terā javāb ho na sakā

sarisht-e-bad ko badaltī nahīñ hai sohbat-e-nek

chaman meñ rah ke bhī kāñTā gulāb ho na sakā

mirī nazar thī rasā yā tumheñ thā shauq-e-numūd

hijāb kar na sake yā hijāb ho na sakā

bahāreñ gulshan-e-duniyā meñ be-shumār aa.iiñ

javāb-e-ahd-e-risālat-ma.āb ho na sakā

hai faiz-e-hazrat-e-'bāqar' se ittibā.a-e-vahīd

ki jin ke rang kā 'sāqib' javāb ho na sakā

sukun-pazir mera iztirab ho na saka

ye dahr wo hai jahan inqalab ho na saka

harim-e-naz mein dil baryab ho na saka

ye zarra ham-sharaf-e-aftab ho na saka

meri nazar mein koi intiKHab ho na saka

tere siwa koi tera jawab ho na saka

sarisht-e-bad ko badalti nahin hai sohbat-e-nek

chaman mein rah ke bhi kanTa gulab ho na saka

meri nazar thi rasa ya tumhein tha shauq-e-numud

hijab kar na sake ya hijab ho na saka

bahaaren gulshan-e-duniya mein be-shumar aain

jawab-e-ahd-e-risalat-maab ho na saka

hai faiz-e-hazrat-e-'baqar' se ittibaa-e-wahid

ki jin ke rang ka 'saqib' jawab ho na saka