sukun se kaun bhala pyar kar ke rahta hai

sukūñ se kaun bhalā pyaar kar ke rahtā hai

lage ye choT to patthar se ḳhuun bahtā hai

sune baġhaur chubhan ko samā.at-e-ehsās

vo baat gul nahīñ kahtā jo ḳhaar kahtā

mujhe bhī kachche ghaḌe par biThā diyā jaa.e

mirī ragoñ meñ bhī dariyā-e-ishq bahtā hai

dikhā.e to koī qātil ke sāmne jā kar

ye merā dil hai jo hañs hañs ke vaar sahtā hai

jabhī to jāgnā paḌtā hai raat bhar mujh ko

charāġh sā mire siine meñ jaltā rahtā hai

zaḳhīra āñsuon kā us meñ kis qadar hogā

jo tere zahr bhare qahqahoñ ko sahtā hai

zarūr apne zamāne kā hai valī 'vājid'

jo apne jism ko bhī ik farār kahtā hai

sukun se kaun bhala pyar kar ke rahta hai

lage ye choT to patthar se KHun bahta hai

sune baghaur chubhan ko samaat-e-ehsas

wo baat gul nahin kahta jo KHar kahta

mujhe bhi kachche ghaDe par biTha diya jae

meri ragon mein bhi dariya-e-ishq bahta hai

dikhae to koi qatil ke samne ja kar

ye mera dil hai jo hans hans ke war sahta hai

jabhi to jagna paDta hai raat bhar mujh ko

charagh sa mere sine mein jalta rahta hai

zaKHira aansuon ka us mein kis qadar hoga

jo tere zahr bhare qahqahon ko sahta hai

zarur apne zamane ka hai wali 'wajid'

jo apne jism ko bhi ek farar kahta hai