sukut-e-marg mein kyun rah-e-naghma-gar dekhun

Sadique Naseem

sukut-e-marg mein kyun rah-e-naghma-gar dekhun

Sadique Naseem

MORE BYSadique Naseem

    sukūt-e-marg meñ kyuuñ rāh-e-naġhma-gar dekhūñ

    maiñ ḳhud saaz mānind TuuT kar dekhūñ

    mire dayār tire shahr haiñ ki sahrā haiñ

    maiñ ek tarah manzar nagar nagar dekhūñ

    vahī hoñ āriz-o-abarū-o-chashm-o-lab phir bhī

    har ek chehre pe ik chehra-e-digar dekhūñ

    ziyā-e-najm-o-mah-o-mehr-o-kahkashāñ se alag

    ajiib raushaniyāñ tujh ko dekh kar dekhūñ

    mirī kamī tujhe mahsūs ho rahī thī jahāñ

    vahīñ pahuñch ke tirī raah umr bhar dekhūñ

    ġhubār-e-rāh-e-numā.ī se aT ga.ī hai fazā

    taras gayā huuñ ki rāhoñ ko ik nazar dekhūñ

    tirī shahī havas meñ hai merī jaañ ziyāñ

    maiñ tere taaj ko dekhūñ ki apnā sar dekhūñ

    na pūchh harf-e-tamannā vus.ateñ 'sādiq'

    chale jo baat to sadiyāñ bhī muḳhtasar dekhūñ

    sukut-e-marg mein kyun rah-e-naghma-gar dekhun

    main KHud hi saz ki manind TuT kar dekhun

    mere dayar tere shahr hain ki sahra hain

    main ek tarah ka manzar nagar nagar dekhun

    wahi hon aariz-o-abaru-o-chashm-o-lab phir bhi

    har ek chehre pe ek chehra-e-digar dekhun

    ziya-e-najm-o-mah-o-mehr-o-kahkashan se alag

    ajib raushaniyan tujh ko dekh kar dekhun

    meri kami tujhe mahsus ho rahi thi jahan

    wahin pahunch ke teri rah umr bhar dekhun

    ghubar-e-rah-e-numai se aT gai hai faza

    taras gaya hun ki rahon ko ek nazar dekhun

    teri shahi ki hawas mein hai meri jaan ka ziyan

    main tere taj ko dekhun ki apna sar dekhun

    na puchh harf-e-tamanna ki wusaten 'sadiq'

    chale jo baat to sadiyan bhi muKHtasar dekhun

    Source :
    • Book : siip (Magzin) (Pg. 234)
    • Author : Nasiim Durraani
    • Publication : Fikr-e-Nau (39 (Quarterly))
    • Edition : 39 (Quarterly)
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY