sukut-e-shab mein larazte hain wahime tere

sukūt-e-shab meñ larazte haiñ vāhime tere

ḳhamoshiyoñ meñ utarte haiñ qāfile tere

bikhar rahe haiñ rag-e-jān kī aziyyat meñ

nuzūl-e-dard meñ poshīda silsile tere

agarche hone ko hotā bahut hai duniyā meñ

kabhī rahe na muravvat se vāste tere

tū aa.egā ki nahīñ kaun jaan pā.egā

thame hue haiñ tazabzub meñ faisle tere

ye tīrgī jo bhaTaktī hai merī āñkhoñ meñ

isī ke pair meñ jalte haiñ aable tere

shab-e-visāl bhī ruḳhsat huā añdhere meñ

sahar ne dekh liye aaj hausle tere

tilism-e-ḳhvāb hai terā mirā fasāna bhī

ki merī aañkh meñ barpā haiñ sānahe tere

sukut-e-shab mein larazte hain wahime tere

KHamoshiyon mein utarte hain qafile tere

bikhar rahe hain rag-e-jaan ki aziyyat mein

nuzul-e-dard mein poshida silsile tere

agarche hone ko hota bahut hai duniya mein

kabhi rahe na murawwat se waste tere

tu aaega ki nahin kaun jaan paega

thame hue hain tazabzub mein faisle tere

ye tirgi jo bhaTakti hai meri aankhon mein

isi ke pair mein jalte hain aable tere

shab-e-visal bhi ruKHsat hua andhere mein

sahar ne dekh liye aaj hausle tere

tilism-e-KHwab hai tera mera fasana bhi

ki meri aankh mein barpa hain sanahe tere