sulh-o-paikar bhi ho aur rifaqat bhi rahe
sulh-o-paikār bhī ho aur rifāqat bhī rahe
ḳhuuñ meñ ajdād kī thoḌī sī sharāfat bhī rahe
zehn-e-ḳhvābīda ko masrūf-e-amal rakhnā hai
kyā zarūrī ki ishāroñ meñ sarāhat bhī rahe
ye to mumkin hai faqat gosha-e-tanhā.ī meñ
shor-e-bāzār na ho aur qayāmat bhī rahe
raushnī ke liye darkār hai be-tābī-e-ḳhāk
chāñd lekin hunar-e-shab se ibārat bhī rahe
sunte aa.e haiñ mohabbat hai ibādat ai dost
kabhī hañs-bol ke baiTho to ibādat bhī rahe
shā.irī naġhmagarī sā.at-e-hairānī meñ
tāza-kārī ho magar pās-e-rivāyat bhī rahe
sulh-o-paikar bhi ho aur rifaqat bhi rahe
KHun mein ajdad ki thoDi si sharafat bhi rahe
zehn-e-KHwabida ko masruf-e-amal rakhna hai
kya zaruri ki ishaaron mein sarahat bhi rahe
ye to mumkin hai faqat gosha-e-tanhai mein
shor-e-bazar na ho aur qayamat bhi rahe
raushni ke liye darkar hai be-tabi-e-KHak
chand lekin hunar-e-shab se ibarat bhi rahe
sunte aae hain mohabbat hai ibaadat ai dost
kabhi hans-bol ke baiTho to ibaadat bhi rahe
shairi naghmagari saat-e-hairani mein
taza-kari ho magar pas-e-riwayat bhi rahe
Source:
Qafas-e-Rang (Pg. 20)
- Author: Sayed Ameen Ashraf
-
- Edition: 2011
- Publisher: Sayed Ameen Ashraf
- Year of Publication: 2011
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
