suljhi hui paheli ka uljhao dekh kar

suljhī huī pahelī kā uljhāo dekh kar

hairān huuñ maiñ ab tirā bartāv dekh kar

qismat kī baat aur hai lekin haqīqatan

dariyā se ḳhauf aatā nahīñ naav dekh kar

ham husn ashk hijr hare zaḳhm laa.e haiñ

aao ḳharīd lo koī ġham bhaav dekh kar

ye dil hai merā dil koī un kī dukāñ nahīñ

bikhre paḌe haiñ jā-ba-jā ḳhvāb aao dekh kar

is zaḳhm kā nishān mahaktā hai aaj bhī

rakkhe the tum ne hoñT jahāñ ghaav dekh kar

ye log ḳhvāb lūTne vāloñ ke saath the

aañsū bahā rahe haiñ jo bikhrāo dekh kar

ab kin tavahhumāt se ghabrā ga.ī 'ufuq'

pahle tumheñ kahā thā sañbhal jaao dekh kar

suljhi hui paheli ka uljhao dekh kar

hairan hun main ab tera bartaw dekh kar

qismat ki baat aur hai lekin haqiqatan

dariya se KHauf aata nahin naw dekh kar

hum husn ashk hijr hare zaKHm lae hain

aao KHarid lo koi gham bhaw dekh kar

ye dil hai mera dil koi un ki dukan nahin

bikhre paDe hain ja-ba-ja KHwab aao dekh kar

is zaKHm ka nishan mahakta hai aaj bhi

rakkhe the tum ne honT jahan ghaw dekh kar

ye log KHwab luTne walon ke sath the

aansu baha rahe hain jo bikhrao dekh kar

ab kin tawahhumat se ghabra gai 'ufuq'

pahle tumhein kaha tha sanbhal jao dekh kar